مجلس الادارة
03-28-2008, 06:42 AM
سلام شلّه
بدون مقدمات سابدأ في القصة
بس أهم شي عندي إنكم تتخيلون انكم مفهين مثلي عشان تدخلون وتندمجون في السالفه
في أحد الليالي الغريبه حينما كنت في سن المراهقه وحب الشباب مسوي دفتر كشكول في وجهي !! , جاني أرق وقلت ياولد ليش ماطلع أغير جو , المهم واطلع من غرفتي واروح للحوش حق بيتنا وكان الشايب الله يطول بعمره مطبق ترشيد الكهرباء على الوجه المطلوب !! يعني ولا لمبه شغاله , مطفينها كلها ويالله أشوف يدي من الظلام المدمس << طلع فول هذا مو ليل !!
ماأسمع الا هدير المكيفات يلعلع فوق راسي واحصل لي ذيك الزوليه اللي طاقتها الشمس فارشتها الوالده في الحوش وعلى كلامها إن هالزوليه كانت مهر جدتي الله يرحمها من جدي وكان جدي إذا يبي يتزوج يجيب هالزوليه معه ويخليها مهر للعروسه الجديده وإذا طلقها ياخذ زوليته ههههههههههه < جده قليل خاتمه , حتى رأى جدتي الله يرحمها وهام بها عشقاً واستمر معها حتى توفي رحمه الله بين ذراعيها ! , لذلك بقيت االزوليه وورثتها عنه وبعد ذلك ورثتها أمي ومن غلاة أبوي عندها كانت تحط هالزوليه !! كلش يهون لعيون أبو مفهي ,, (العايله كلهم يقدرون الحب والرومانسيه)
المهم رحت للزوليه وانسدحت عليها وانا اطالع في السماء الزرقاء واعد النجوم واقز نجم سهيل في السما وهو يرقم الجوزاء هههههههههههههههه ذب الرقم عليها وطق خريش وعض اسفل ثوبه وانحاش ما أشوف إلا غبرته في السماء !!
فجأه وأنا أتأمل السماء ونجومها في الظلام الدامس إلا واشوف نور قوي طالع لي !!
شوي ألا وانا في عز القايله شفت لي سفينه فضائيه وتكشحني بالنور العالي واجلس اصيح على سواقها ياخوي وش تبي انت اعميتني الله يعميك على الاقل شغل الواطي بلا في شكلك
المهم ويسفط راعي السفينه وينزل قزاز سفينته اللي كانت موديل 85 شطرطون بدون مكيف !! ويطلع راسه ألا وهذاك الشبهه اللي طلع لي لونه أزرق بنفسجي من الكائنات الفضائيه اللي اشوفها في افلام الخيال العلمي قال ياخوي لاتسب , بعدين الواحد مايضمن تطلع له أحد الجمال السائبه في السما وتجيب أجله !! قلت حتى ولو بعدين تراك منت ماسك طريق حفر الباطن يوم تقول هالكلام !! وأصلاً أبرك الحزات لو دعمت بعير ونتفك بركبته !! بالله فرحان بشكلك انت ووجهك المشهب إللي كنه زولية جدتي !! ويزيد السب بينا شوي الا وهو مطلع مسدس ليزر ويصوبه ناحيتي , الا واشوف الليزر بين عيوني ويرفع القزازه حقت سفينته ويفحط بوجهي ويروح
وماحسيت بشي بصراحه قلت امحق سلاح !! سلاحك فشنق يامروح وكنت واقف يوم جيت انسدح على الزوليه ثاني مره إلا أحس بشي متغير !!!
اختلف علي البيت والحوش وحسيت اني بوسط شي كبيييييييييييير مره حسيت اني تهت في سور البيت
ياولد وش السالفه فيه شي غريب صاير !!
اثر الكائن الفضائي يوم ضربني بالليزر صغر جسمي مره وصار حجمي كبر حبة الفاصوليا , لاحول وش الدبره ياولد كيف ارجع للبيت ؟! يبي لي ثلاثة أيام بلياليها إلين اوصل الدور الثاني اللي فيه غرفة نومي
المهم وانا جالس اهوجس وامشي في حوش بيتنا إلا وذيك النمله طالعه لي من ذاك الخندق ويقول لي قف!! سر الليل !! قلت نجم سهيل < سجع !! قال وش فيه؟ قلت رقم الجوزا وانحاش !!! << أقول يابثرك , المهم اقترب مني قال ياولد انت وش مصيبتك؟ انت من أي ديره ووش جابك عندنا في قريتنا !! قلت ماشاء الله صار لكم قريه في حوش الشايب !!
اذا ماتدري الأرض اللي انت فيها الحين ارض ابوي ورثها عن جدي , خوفه كلامي قال انت عدو والا صديق ؟ قلت ليه شايف قدامك بنغالي قال يابن الحلال وش بنغاليه بعد , المهم شكلك ضايع ودامك جيت في قريتنا لزوم علينا نكرمك ونضيفك قلت الله يقويك <<ماصدق خبر!! , واروح انا واياه وندخل البيدروم (اقصد الجحر حق قريتهم) ومن سيب في سيب ومن دهليز في دهليز إلين وصلنا لغرفة الملكه حقتهم (ملكة النمل) ويستاذن من الحاجب حق الملكه قال ابي الملكه ,عندنا ضيف قال الحاجب اتفضلوا , وادخل الغرفه واحصل الملكه متكيه على العرش حقها وفوق راسها نملتين كل وحده معها ريشة تهفهف بها على الملكه يوم شافتني الملكه قالت :
ارررررررررررررررررررررررررررررررررحبوا يارجال صب القهوه للضيف ياصبي !! ارحب يالله حيه قلت لها البقىىىى وماسالتني وش جايبني ولا من أي ديره لأنها متمسكه بالعادات والتقاليد < مابقى الا تقول انها لابسه برقع وعباية راس
المهم تقهويت وعينت من الله خير قالت آمر وش تبي؟ قلت ابي الحمام !! انا مزنووووووق من كثر ماحقنت من قهوتكم ههههههههههههههه (امحق ضيف) قالت عين خير ياضيف الرحمن انا بطلع عندي اجتماع مع ملكة النحل!! تامرني شي؟ قلت بخاويكم قالت الله يحييك, شوي الا وتجي ذيك اليعسوبه ونركبها ونطير ونروح لمملكة النحل ويسوون لنا استقبال رسمي وتضرب المدافع 21 طلقه تخبرون المراسم ويجي السلام الملكي حق النمل وبعده النحل ونقلط داخل في قصر المؤتمرات ونحصل الفلاشاات والتصوير والقنوات الفضائيه واجلس اترزز قدام الكاميرات وانا فاتح كشرتي واسأل خويي اللي من النمل قلت متى بينقلون القنوات البث عشان اشوف نفسي عبر الاقمار !!!
قال انت الحين على الهواء مباشره , قلت في نفسي أجل فرصه أعلن تأييدي لفرعون الشعر وارفع صوتي بالغناء (ناقتي ياناقتي لا رباع ولا سديس) إلا وتقرصتني ملكة النمل وتقول قفل فمك خيستنا بريحة التونه اللي توك لاهمها , المهم ويطلعون الإعلاميين ويصير اجتماع مغلق
قالت ملكة النحل لملكة النمل إنتي عارفه وش صاير بالعالم هاليومين !,
(مملكة الذبان) تبي تسوي اكتساح لبلادنا وحنا موقفنا ضعيف مره ,وشيخ الذبان يتهدد ويتوعد ومسوي حلف مع الدبابير ويعتبر مملكة النحل من الدول المارقه !! ههههههه, وإذا جلسنا ساكتين أخاف تنضم مملكة الناموس لتحالفهم , وراح تنتهي مملكتنا وانتم من الدول الصديقه لنا ونبي فزعتكم باللي تقدرون عليه قالت ملكة النمل أبشروا بس حتى حنا موقفنا ضعيف لأن دولة الصراصير بينا وبينها حرب قايمه في حوش ابو مفهي << حوش ابوه صاير مستعمرات وميدان معارك للحشرات كافه هههههههههههه
وهم في خضم النقاش التفتت لي ملكة النحل وقالت هذا من أي دوله؟ قلت لها من بني عبس بن ذبيان وجدي من جهة الوالد عنتره العبسي وخالي الزير سالم وراضع مع ابو زيد الهلالي من عنز وحده !!! وتطالع فيني ملكة النمل بنص عين قالت والله وامانه لو منت ضيف عندي لاصكك بالكعب حقي على براطمك اللي تسنها براطم اسماعيل ياسين !!
قالت ملكة النحل يابنت الحلال يمكن عنده سالفه خلنا ناخذ شوره في المشكله
وانا استانس وانبسط قلت هذي العالم اللي تقدر المواهب
وراح اساعدكم لكن قبل ابي اسألك سؤال
قالت مملكة النحل اسأل
قلت : هالحين وش الطاري ووش المناسبه يوم مملكة الذبان صارت اقوى منكم وانتم معروفين يالنحل بأنكم الأفضل منهم وأقوى وتاريخكم مشرف
فتنهدت ملكة النحل وقالت صحيح كلامك كان عندنا حضاره وتاريخ عريق وكانت الذبان في الاساس عايشه بين ظهرانينا ومانشوفهم شي وكانوا شغالين عندنا عمال نظافه لكن بعد فتره كثروا وصاروا ماسكين العصب الإقتصادي لمملكتنا وصاروا بعد فتره من زبالين إلى هوامير فلوس وبزنس وصارت المصانع كلها لهم وإنا انشغلنا باللهو واللعب وكنا نحقرهم ونضحك عليهم وما ندايهم إلا يالزبالين وفتحوا المراقص والحانات وانشغلوا شباب النحل بالطرب والتمتع بمتع الحياه وتركوا العمل والمثابره حتى ضعفنا وقويت شوكتهم وصار الحال إلى ماتراه
قلت آهاا اجل انتم السبب قالت بصراحه إيه انشغلنا بمتع الحياه وصرنا (مابين غيبوبة مخدر وصحوة عرق سوس , وكبرنا اللقمة تحت ضوء حمراء الكؤوس)
قلت اجل تبين العلم ؟ الحل عندي !
هم وش اسلحتهم؟ قالت اسلحه تقليديه
قلت اجل لازم يكون عندنا سلاح غير تقليدي
قالت ملكة النحل وش تهدف من كلامك تقصد اسلحه نوويه وكيميائيه؟
قلت الله الله
قالت طيب كيف نوفرها
قلت ابد السلاح عندي , قالت وينه؟ قلت في مطبخ امي !!
قالت وش اسمه ؟ قلت لها ( رييييييييييييييييييييييييييييييد قاتل الصراير والحشرات الطائره)
قالت خلاص اجل روح جيبه وراح نزودك بالطيران والمؤونه بس بسرعه تكفى لا تتأخر
واروح انا ومعي مليونين نمله من المشاه ومية ألف نحله طياره ونسحب علبة الفليت ونحطها عند حصن مملكة النحل ويوم هجمت الذبان عليهم تشينا عليهم الفليت وجاءت فيهم خسائر فادحه وحنا حاطين الكمامات على وجيهنا عشان مايضرنا الفليت
وننتصر عليهم انتصار باهر ويطيرون بي كل الدول بعدها وصارت صوري تجي في مانشيتات الصحافه العالميه كصحف التايمز والهيرالد تربيون وجريدة البلاد !!
وتنتشر صورتي وانا مغمض وجالس أفكر واصبعي بخشمي في كل أنحاء العالم وصرت رمز من الرموز العالميه ولا تشي جيفارا ايام عزه! ويحطون لي تمثال من الشمع في متحف اللوفر اللندني << ياخووي تراك مع حشرات لاتسوي فيها !!
المهم يوم انتصرت مملكة النحل جاتني ملكة النحل قالت اطلب واتمنى يامفهي
أي شي تبيه حاضرين فيه , قلت ابد بس ابي شكلي يرجع زي أول
واستعدت طبيبها الخاص قالت شف له حل ودبره , قال هذا أمره سهل , نعطيه حبتين من(المن والسلوى) ويرجع طبيعي , وبالفعل يوم اعطوني اياها قالت ملك النحل اركد قبل تاكلها أبيك بسالفه وابي اودعك ولازم نسوي فيها أكشن وموسيقى رومانسيه وانت تغادرنا مثل فيلم (lord of the king) (ملك الخواتم) , وانا اقوم وابلع الحبوب حقت المن والسلوى ولا عبرت أحد وارجع طبيعي ثاني مره واروح لغرفة النوم وارقد إلين الظهر اليوم الثاني واصحى ولا كأنه صار شي
هماني مفهي ومادقق في أي شغله
هههههههههههههههههههههههههه
أتمنى تعجبكم هالقصه
ولي فتره ماكتبت في الحاره والسبب والله لانني لم اجد شي جديد أكتبه
وهذا الموضوع كتبته على عجل وسامحوني على القصور
دمتم بود
http://msa6el.com/vb/image.php?type=sigpic&userid=42079&dateline=1199376724
من يوم عرفت الدنيا
وانا مفهي ومبسوط
http://vb.arabseyes.com/uploaded/2000_1184097887.gif (http://www.3rooob.com/vb/)
بدون مقدمات سابدأ في القصة
بس أهم شي عندي إنكم تتخيلون انكم مفهين مثلي عشان تدخلون وتندمجون في السالفه
في أحد الليالي الغريبه حينما كنت في سن المراهقه وحب الشباب مسوي دفتر كشكول في وجهي !! , جاني أرق وقلت ياولد ليش ماطلع أغير جو , المهم واطلع من غرفتي واروح للحوش حق بيتنا وكان الشايب الله يطول بعمره مطبق ترشيد الكهرباء على الوجه المطلوب !! يعني ولا لمبه شغاله , مطفينها كلها ويالله أشوف يدي من الظلام المدمس << طلع فول هذا مو ليل !!
ماأسمع الا هدير المكيفات يلعلع فوق راسي واحصل لي ذيك الزوليه اللي طاقتها الشمس فارشتها الوالده في الحوش وعلى كلامها إن هالزوليه كانت مهر جدتي الله يرحمها من جدي وكان جدي إذا يبي يتزوج يجيب هالزوليه معه ويخليها مهر للعروسه الجديده وإذا طلقها ياخذ زوليته ههههههههههه < جده قليل خاتمه , حتى رأى جدتي الله يرحمها وهام بها عشقاً واستمر معها حتى توفي رحمه الله بين ذراعيها ! , لذلك بقيت االزوليه وورثتها عنه وبعد ذلك ورثتها أمي ومن غلاة أبوي عندها كانت تحط هالزوليه !! كلش يهون لعيون أبو مفهي ,, (العايله كلهم يقدرون الحب والرومانسيه)
المهم رحت للزوليه وانسدحت عليها وانا اطالع في السماء الزرقاء واعد النجوم واقز نجم سهيل في السما وهو يرقم الجوزاء هههههههههههههههه ذب الرقم عليها وطق خريش وعض اسفل ثوبه وانحاش ما أشوف إلا غبرته في السماء !!
فجأه وأنا أتأمل السماء ونجومها في الظلام الدامس إلا واشوف نور قوي طالع لي !!
شوي ألا وانا في عز القايله شفت لي سفينه فضائيه وتكشحني بالنور العالي واجلس اصيح على سواقها ياخوي وش تبي انت اعميتني الله يعميك على الاقل شغل الواطي بلا في شكلك
المهم ويسفط راعي السفينه وينزل قزاز سفينته اللي كانت موديل 85 شطرطون بدون مكيف !! ويطلع راسه ألا وهذاك الشبهه اللي طلع لي لونه أزرق بنفسجي من الكائنات الفضائيه اللي اشوفها في افلام الخيال العلمي قال ياخوي لاتسب , بعدين الواحد مايضمن تطلع له أحد الجمال السائبه في السما وتجيب أجله !! قلت حتى ولو بعدين تراك منت ماسك طريق حفر الباطن يوم تقول هالكلام !! وأصلاً أبرك الحزات لو دعمت بعير ونتفك بركبته !! بالله فرحان بشكلك انت ووجهك المشهب إللي كنه زولية جدتي !! ويزيد السب بينا شوي الا وهو مطلع مسدس ليزر ويصوبه ناحيتي , الا واشوف الليزر بين عيوني ويرفع القزازه حقت سفينته ويفحط بوجهي ويروح
وماحسيت بشي بصراحه قلت امحق سلاح !! سلاحك فشنق يامروح وكنت واقف يوم جيت انسدح على الزوليه ثاني مره إلا أحس بشي متغير !!!
اختلف علي البيت والحوش وحسيت اني بوسط شي كبيييييييييييير مره حسيت اني تهت في سور البيت
ياولد وش السالفه فيه شي غريب صاير !!
اثر الكائن الفضائي يوم ضربني بالليزر صغر جسمي مره وصار حجمي كبر حبة الفاصوليا , لاحول وش الدبره ياولد كيف ارجع للبيت ؟! يبي لي ثلاثة أيام بلياليها إلين اوصل الدور الثاني اللي فيه غرفة نومي
المهم وانا جالس اهوجس وامشي في حوش بيتنا إلا وذيك النمله طالعه لي من ذاك الخندق ويقول لي قف!! سر الليل !! قلت نجم سهيل < سجع !! قال وش فيه؟ قلت رقم الجوزا وانحاش !!! << أقول يابثرك , المهم اقترب مني قال ياولد انت وش مصيبتك؟ انت من أي ديره ووش جابك عندنا في قريتنا !! قلت ماشاء الله صار لكم قريه في حوش الشايب !!
اذا ماتدري الأرض اللي انت فيها الحين ارض ابوي ورثها عن جدي , خوفه كلامي قال انت عدو والا صديق ؟ قلت ليه شايف قدامك بنغالي قال يابن الحلال وش بنغاليه بعد , المهم شكلك ضايع ودامك جيت في قريتنا لزوم علينا نكرمك ونضيفك قلت الله يقويك <<ماصدق خبر!! , واروح انا واياه وندخل البيدروم (اقصد الجحر حق قريتهم) ومن سيب في سيب ومن دهليز في دهليز إلين وصلنا لغرفة الملكه حقتهم (ملكة النمل) ويستاذن من الحاجب حق الملكه قال ابي الملكه ,عندنا ضيف قال الحاجب اتفضلوا , وادخل الغرفه واحصل الملكه متكيه على العرش حقها وفوق راسها نملتين كل وحده معها ريشة تهفهف بها على الملكه يوم شافتني الملكه قالت :
ارررررررررررررررررررررررررررررررررحبوا يارجال صب القهوه للضيف ياصبي !! ارحب يالله حيه قلت لها البقىىىى وماسالتني وش جايبني ولا من أي ديره لأنها متمسكه بالعادات والتقاليد < مابقى الا تقول انها لابسه برقع وعباية راس
المهم تقهويت وعينت من الله خير قالت آمر وش تبي؟ قلت ابي الحمام !! انا مزنووووووق من كثر ماحقنت من قهوتكم ههههههههههههههه (امحق ضيف) قالت عين خير ياضيف الرحمن انا بطلع عندي اجتماع مع ملكة النحل!! تامرني شي؟ قلت بخاويكم قالت الله يحييك, شوي الا وتجي ذيك اليعسوبه ونركبها ونطير ونروح لمملكة النحل ويسوون لنا استقبال رسمي وتضرب المدافع 21 طلقه تخبرون المراسم ويجي السلام الملكي حق النمل وبعده النحل ونقلط داخل في قصر المؤتمرات ونحصل الفلاشاات والتصوير والقنوات الفضائيه واجلس اترزز قدام الكاميرات وانا فاتح كشرتي واسأل خويي اللي من النمل قلت متى بينقلون القنوات البث عشان اشوف نفسي عبر الاقمار !!!
قال انت الحين على الهواء مباشره , قلت في نفسي أجل فرصه أعلن تأييدي لفرعون الشعر وارفع صوتي بالغناء (ناقتي ياناقتي لا رباع ولا سديس) إلا وتقرصتني ملكة النمل وتقول قفل فمك خيستنا بريحة التونه اللي توك لاهمها , المهم ويطلعون الإعلاميين ويصير اجتماع مغلق
قالت ملكة النحل لملكة النمل إنتي عارفه وش صاير بالعالم هاليومين !,
(مملكة الذبان) تبي تسوي اكتساح لبلادنا وحنا موقفنا ضعيف مره ,وشيخ الذبان يتهدد ويتوعد ومسوي حلف مع الدبابير ويعتبر مملكة النحل من الدول المارقه !! ههههههه, وإذا جلسنا ساكتين أخاف تنضم مملكة الناموس لتحالفهم , وراح تنتهي مملكتنا وانتم من الدول الصديقه لنا ونبي فزعتكم باللي تقدرون عليه قالت ملكة النمل أبشروا بس حتى حنا موقفنا ضعيف لأن دولة الصراصير بينا وبينها حرب قايمه في حوش ابو مفهي << حوش ابوه صاير مستعمرات وميدان معارك للحشرات كافه هههههههههههه
وهم في خضم النقاش التفتت لي ملكة النحل وقالت هذا من أي دوله؟ قلت لها من بني عبس بن ذبيان وجدي من جهة الوالد عنتره العبسي وخالي الزير سالم وراضع مع ابو زيد الهلالي من عنز وحده !!! وتطالع فيني ملكة النمل بنص عين قالت والله وامانه لو منت ضيف عندي لاصكك بالكعب حقي على براطمك اللي تسنها براطم اسماعيل ياسين !!
قالت ملكة النحل يابنت الحلال يمكن عنده سالفه خلنا ناخذ شوره في المشكله
وانا استانس وانبسط قلت هذي العالم اللي تقدر المواهب
وراح اساعدكم لكن قبل ابي اسألك سؤال
قالت مملكة النحل اسأل
قلت : هالحين وش الطاري ووش المناسبه يوم مملكة الذبان صارت اقوى منكم وانتم معروفين يالنحل بأنكم الأفضل منهم وأقوى وتاريخكم مشرف
فتنهدت ملكة النحل وقالت صحيح كلامك كان عندنا حضاره وتاريخ عريق وكانت الذبان في الاساس عايشه بين ظهرانينا ومانشوفهم شي وكانوا شغالين عندنا عمال نظافه لكن بعد فتره كثروا وصاروا ماسكين العصب الإقتصادي لمملكتنا وصاروا بعد فتره من زبالين إلى هوامير فلوس وبزنس وصارت المصانع كلها لهم وإنا انشغلنا باللهو واللعب وكنا نحقرهم ونضحك عليهم وما ندايهم إلا يالزبالين وفتحوا المراقص والحانات وانشغلوا شباب النحل بالطرب والتمتع بمتع الحياه وتركوا العمل والمثابره حتى ضعفنا وقويت شوكتهم وصار الحال إلى ماتراه
قلت آهاا اجل انتم السبب قالت بصراحه إيه انشغلنا بمتع الحياه وصرنا (مابين غيبوبة مخدر وصحوة عرق سوس , وكبرنا اللقمة تحت ضوء حمراء الكؤوس)
قلت اجل تبين العلم ؟ الحل عندي !
هم وش اسلحتهم؟ قالت اسلحه تقليديه
قلت اجل لازم يكون عندنا سلاح غير تقليدي
قالت ملكة النحل وش تهدف من كلامك تقصد اسلحه نوويه وكيميائيه؟
قلت الله الله
قالت طيب كيف نوفرها
قلت ابد السلاح عندي , قالت وينه؟ قلت في مطبخ امي !!
قالت وش اسمه ؟ قلت لها ( رييييييييييييييييييييييييييييييد قاتل الصراير والحشرات الطائره)
قالت خلاص اجل روح جيبه وراح نزودك بالطيران والمؤونه بس بسرعه تكفى لا تتأخر
واروح انا ومعي مليونين نمله من المشاه ومية ألف نحله طياره ونسحب علبة الفليت ونحطها عند حصن مملكة النحل ويوم هجمت الذبان عليهم تشينا عليهم الفليت وجاءت فيهم خسائر فادحه وحنا حاطين الكمامات على وجيهنا عشان مايضرنا الفليت
وننتصر عليهم انتصار باهر ويطيرون بي كل الدول بعدها وصارت صوري تجي في مانشيتات الصحافه العالميه كصحف التايمز والهيرالد تربيون وجريدة البلاد !!
وتنتشر صورتي وانا مغمض وجالس أفكر واصبعي بخشمي في كل أنحاء العالم وصرت رمز من الرموز العالميه ولا تشي جيفارا ايام عزه! ويحطون لي تمثال من الشمع في متحف اللوفر اللندني << ياخووي تراك مع حشرات لاتسوي فيها !!
المهم يوم انتصرت مملكة النحل جاتني ملكة النحل قالت اطلب واتمنى يامفهي
أي شي تبيه حاضرين فيه , قلت ابد بس ابي شكلي يرجع زي أول
واستعدت طبيبها الخاص قالت شف له حل ودبره , قال هذا أمره سهل , نعطيه حبتين من(المن والسلوى) ويرجع طبيعي , وبالفعل يوم اعطوني اياها قالت ملك النحل اركد قبل تاكلها أبيك بسالفه وابي اودعك ولازم نسوي فيها أكشن وموسيقى رومانسيه وانت تغادرنا مثل فيلم (lord of the king) (ملك الخواتم) , وانا اقوم وابلع الحبوب حقت المن والسلوى ولا عبرت أحد وارجع طبيعي ثاني مره واروح لغرفة النوم وارقد إلين الظهر اليوم الثاني واصحى ولا كأنه صار شي
هماني مفهي ومادقق في أي شغله
هههههههههههههههههههههههههه
أتمنى تعجبكم هالقصه
ولي فتره ماكتبت في الحاره والسبب والله لانني لم اجد شي جديد أكتبه
وهذا الموضوع كتبته على عجل وسامحوني على القصور
دمتم بود
http://msa6el.com/vb/image.php?type=sigpic&userid=42079&dateline=1199376724
من يوم عرفت الدنيا
وانا مفهي ومبسوط
http://vb.arabseyes.com/uploaded/2000_1184097887.gif (http://www.3rooob.com/vb/)